طفح الحفاضات عند الاطفال هو مشكل شائع و لايوجد ام لا تشكي منه ومر عليها هالشي اول سنتين من عمر الطفل عند استخدام الحفاضة
طبعا هالشي مزعج يخلي الطفل كثير البكاء وقلق ونحس والام تحس طفلها ما مرتاح
طبعا اول شي لازم نعرف أن الطفل اللي يرضع طبيعي اقل معرض لطفح الحفاضات من الطفل يرضع حليب القواطي (بشرط انو الطفل ماعندة حساسية لنوع معين من الاكل اللي تاكلة امه☹️)
اسباب طفح الحفاضات
1- حساسية الطعام
الحليب الصناعي او القواطي بحد ذاتة يعتبر سبب للطفح
يعني اكو انواع من الاطعمة الطفل يتحسس منها خاصة عندما يبدي مرحلة ادخال الاكل او من الام تاكل اكل الطفل عندة حساسية منه
(شنو هذا الاكل عندج هواي حليب البقر ، البيض ، البقوليات ، الصويا ، القمح 👉)
2 - تغير حموضية ph الخروج
بعض الاكلات تخلي خروج الطفل حامضي فيسبب الطفح شنو ذني 🤔(البرتقال الليمون الفراولة الكيوي الطماطة)
3 - الاسهال
يعتبر بحد ذاتة سبب لطفح الحفاضة ولازم نعالجة
4 - المضادات الحيوية مال التهابات
كثرة استخدامهة للطفل او اخذ الام كميات كثير تسوي طفح
ليش🤔 لان الادوية راح تكتل البكتريا النافعة وتخلي الفطريات تقوة
5 - عدم تغيير الحفاضة ب استمرار
يعتبر سبب بحد ذاتة (لان الادرار والخروج من تلامس الجلد لفترة طويلة تخلي يتحسس)
6 - الصابون الرديء او المعطر
وبعض انواع المناديل المرطبة تسوي طفح
ممكن ماكو سبب من الاسباب فوك وعندة طفح (الجواب حيكون جوة👀)
علاج الطفح والوقاية منه
اكيد حنقسم الموضوع وياكم
تسعة عليكم (⚫️😊) و اربعة علينة (🔵😉)
- اولا الام الي ترضع طبيعي تستبعد منهة الاكل اللي يسوي حساسية (ذكرناه فوك الاكل☝️😊) لمدة ٣ اسابيع عل اقل وراه نبدي نرجع نوع نوع كل ٥ ايام حتى نشوف من شنو متحسس الطفل
- ثانيا الطفل اللي يرضع حليب قواطي وياكل اكل ويا نسوي نفس الشي نكطع ونبدي ندخل الاكل شوي شوي (😊هسة احجيلكم جوة شون ندخل الاكل😊)
- ثالثا الاكل اللي يغير حموضية الخروج حاولي تاكلين شي معقول يوميا (مو تاكلين ٣ برتقالات و٥ نوميات وعلبة فراولة يوميا😅😅 اكلي شي معقول)
- رابعا بدلي الحفاضة اقل شي ٤ الى ٦ مرات باليوم رحمة ال والديج لان البول والخروج يسوي طفح
- خامسا قبل لا تبدلين الحفاضة غسليلة للطفل بمي دافي زين ويفضل شامبو طفل او صابون طفل مابي عطر مو تشوفين عندة ادرار راسا تجين وتبدلين الحفاضة
- سادسا من تغسليلة نشفي المنطقة زين قبل التحفيض وحاولي تعوفي مصلخ😅 عل اقل مرتين او ثلاث مرات بعد التشطيف راح يجفف المنطقة ويقلل نسبة الطفح والطفل هم يرتاح ويتنفس الجلد
- سابعا المناديل المرطبة والصابون ابو العطر والرديء ترة يبسون المنطقة ويزيدون الطفح (خلو للضرورة من انتو طالعين خطار لو مول🤭) واستخدمو نوعية زينة مو عادية
- ثامنا كتلكم ماكو سبب فوك معناتة شنو انتو تستخدمون نوع حفاضات ما والمهة او حفاضات زغار حيل (تسوي احتكاك☹️) او حفاضات جبيرة حيل لازم شي مناسب
- تاسعا من تبدلليهة حفاضة حطيلة زنك دهن او مرهم ورة كل تغسيلة لان يحافظ عالجلد ويقلل من التحسس ومابي مضرة
- عاشرا يمنة الاطباء 😉 اذا عندة اسهال او مشاكل بالجهاز الهضمي جيبو لازم نعالج السبب ومرات نحتاج نبدل حليب خاص للي يستخدمون قواطي
- احدى عشر سويتي كل الطرق فوك ومفاد هم جيبي احتمال نضيفلكم بعض المراهم لان لازم نتاكد ماكو التهاب بكتيري او فطريات
- اثنى عشر اكو بعض الامراض المزمنة تسوي طفح ف انتي اذا استنفذتي كل الحلول جيبي خل نجيكة وندور عالاسباب
- ثلاثة عشر لا تاخذون مضادات حيوية براحتكم ترة كثرتهة مضرة للطفل من تحتاجون شي استشيرو طبيب🙃
🖤💙كلتلكم فوك شون ندخل الاكل💙🖤
من نشك اكو حساسية من الطعام للطفل
سواء سبب من اكل الام او اكل الطفل نفسة
نكطع الاكلات اللي ذكرتهن فوك ٣ اسابيع او شهر بالزايد
وراهة نبدي ندخل الاكل شوي شوي
(شون يعني 🤔)
نبدي مثلا نرجع البيض فد ٥ ايام ونراقب 👀
ماكو شي
ننتقل عالاكلة الوراهة
مثلا نرجع حليب البقر ٥ ايام ونراقب 👀
(حليب البقر للام او الطفل فوق عمر السنة)
ماكو شي
نستمر على كل الاكل اللي ذكرتة فوك
وهكذا
لهنا وصلت نهاية الموضوع اتمنة نال اعجابكم💙
تحياتي
#الدكتور_محمد_هيثم_حباس
#اختصاص_طب_اطفال_وحديثي_الولادة
إرسال تعليق