الموضوع مهم ويعتبر من اكثر المشاكل التي يعاني منه الاطفال دون انتباه الاهل 😔
الحديد مهم للاطفال ليش؟
لان 👇
الحديد عنصر غذائي ضروري لنمو الطفل،
- يساعد على نقل الأوكسجين من الرئتين إلى باقي أجزاء الجسم،
- يساعد العضلات على تخزين واستخدام الأكسجين.
- الحديد مهم ل نمو الطفل وتطورة وذكاءة
- الحديد مهم لشهية الطفل ونشاطة
فقر الدم نقص الحديد بالعادة يحدث عند الاطفال اللي مياكلون اكل بي حديد 😕😕 ، او الغذاء البروتيني
وتشوف الطفل ياكل نوع واحد من الغذاء (يعني شون) يعني تلكي الطفل مجلب يشرب بس حليب لو ياكل معجنات لو مكضيهة شرابت ونساتل وجبوسة
والاهل مكيفين عبالهم ابنهم زين ويلعب ونشط ميدرون هوة نتيجة السكريات هاي الحركة وبهالاثناء مخزون الحديد دينفقد تدريجيا الى ان على غفلة تنلاص الوضعية😔😔 ويصير بي فقر الدم وتجينة الام تركض.
علامات نقص الحديد عند الأطفال
- الوجه والعين الشاحبة
- الطفل يتعب بسرعة وتحسي خامل
- نمو بطيء (الام تكول ناعم مو مثل اخوتة😁)
- فقدان الشهية (مكضي حلويات ونساتل)
- التنفس السريع بشكل غير طبيعي.
- المشاكل السلوكية (يعني شنو🤔) الام تكلك تصرفاتة تغيرت على غفلة لو صار عدائي لو انعزالي لو تحسة ميركز عليهة
- الامراض المتكررة وميدرون ليش
- يزداد حبة للاكل ال مو طبيعي (هم يعني شنو🤔) يعني يحب المواد الغير غذائية مثل الثلج أو التراب او حصو او طباشير او تربة وهكذا...
علاج فقر الدم نقص الحديد
الجواب خمس خطوات
ثلاثة عليكم والرابعة (💙😉) بعدين
- اولا التنويع الغذائي يعني شكليلة كلشي خضروات وفواكة والبروتينات
- ثانيا منع الشاي والببسي وجميع المنبهات
- ثالثا منع او تقليل الحلويات والنساتل والجبوسة (لان مستحيل نكدر نمنعهة😅😅غير يكرع راسج الطفل) بس تكدرين تحصريهة بعد الوجبات الغذائية وبكميات قليلة
- رابعا تجيبو علينة حتى نفحصة ونجيكة ونكتبله علاج الحديد بالجرعة المضبوطة لعد شكو درسنة😁
ما ذا تفعلين مع الطفل عند أخذ جرعة الحديد
- تجنبي إعطاء الطفل الحديد مع الحليب أو المشروبات التي تحتوي على الكافيين مثل (الشاي والبيبسي)، لأن كلاهما يمنع امتصاص الحديد جيداا😶
- انطي عصير البرتقال وغيرها من الأطعمة، التي تحتوي على نسبة عالية من فيتامين (c) حتى يساعد امتصاص الحديد😊
متى يتحسن الطفل
يومين الى ثلاثة يتحسن الطفل عندما تزيد شهيتة ونشاطة
ورة شهر الى شهرين حيصعد عندة الهيموغلوبين وتستغرق العملية ٣ الى ٦ اشهر لتصحيح النقص (ليش ٦ اشهر😉حزرو؟؟)
مرات تحتاج فوك ال ٦ اشهر علاج وميفيد بالعادة جسم الكفل ميقدر يمتص حديد بشكل صحيح او ماخذين جرعة اقل او اكثر من الطبيعي بدون استشارة طبيب ف بهالحالة مراح يستفاد الطفل
بعض الحالات الشديدة يحتاج نقل دم ☹️ حسب راي الطبيب اكيد
مرات يحتاج الطبيب فحوصات دم اخرى في حالة اخذ علاج لفترة طويلة وماستفاد لان للاسف يجوز اكو غير اسباب مرضية😔
قبل نهاية موضوعنة ال هذا اليوم اهمشي نصيحة الكم الاكل المتنوع والصحي لاطفالكم
لهنا وصلنة نهاية الموضوع اتمنة نال اعجابكم
تحياتي
#الدكتور_محمد_هيثم_حباس
#اختصاص_طب_اطفال_وحديثي_الولادة
إرسال تعليق