ادخال الطعام عند الاطفال الرضع بالعادة بين ٤ و ٦ اشهر 👀
الرأي الاول
ادخال الطعام من الشهر السادس
وهالشي يتبناه ويدعمة منظمة الصحة العالمية
لان حسب رايهم وحسب دراستهم انو الجهاز الهضمي للطفل يكمل وظيفيا بالشهر السادس وانو الغذاء اول ٦ اشهر بس حليب سواء كان طبيعي او صناعي كافي وحتى مناعتة انو هية مكتسبة من الام والحليب اول ٦ اشهر واللي تنطي مقاومة للامراض خلال هل ٦ اشهر
الرأي الثاني
ادخال الطعام من الشهر الرابع وهالشي تدعمه الاكاديمية الأمريكية لطب الأطفال
وحسب رايهم انو ادخل الطعام من وكت يقلل من فرص اصابة الطفل بحساسية الطعام وهم يشجعة ياكل انواع مختلفة من الطعام وهم يمنعه من انو يصاب بفقر الدم نقص الحديد
⚫️🔵ويا منو اني اذا تسالني طبعا بعدين اكلكم😎🔵⚫️
شروط ادخال الطعام للطفل
لا عبالكم راسا ندخل الاكل وحسب الاراء
لا انتو متوهمين اكو شروط تتحقق يلة نباع
عالنظريتين😎
الشروط
- اولا يجب ان يتضاعف وزن الطفل عن الولادة مثلا عند الولادة طفل وزنه ٣٠٠٠ غرام لازم من تدخل الأكل يكون وزنه وصل للضعف يعني ٦٠٠٠ غرام
- ثانيا يكدر يكعد ويسيطر على راسه
- ثالثا حركة لسان الطفل : الطفل بالعادة من ينولد متعلم يدفع الاكل بلسانة او يطلع لسانة للامام بصورة لا ارادية (اكيد شايفيهة انتو) من هاي الحركة تروح او تقل معناتة الطفل مستعد للاكل
- الحماس للاكل : من تقرب الاكل للطفل او من يشوفة تحسة متحمس ويريدة يعتبر عامل انو لازم تدخلين الاكل
شنو نوع الطعام اللي نبدي بي للاطفال
سواء ب٤ او ٦ اشهر
- نبدي بالطعام المسلوك والمهروس جيداً
- . نبدي بنوع واحد فقط من الطعام ونستمر عليه لمدة ثلاثة ايام عل اقل حتى نشوف اي علامات تحسس منه او لا
- نبدي بملعقة شاي و نزيد الكمية تدريجياً اني افضل تبدون اول شي صفار بيض وراهة نبدي ندخل باقي الاكل
- ممنوع اضافة السكر ، والعسل ، وملح للطعام الا بعد عمر سنة.
- ممنوع ادخال حليب البقر للطفل الا بعد عمر السنة.
- ممنوع ادخال بياض البيض الا بعد السنة يعني تنطين بس صفار البيض ورا كم يوم شوربة جزر ورا كم يوم كوسة وهكذا
- ممنوع ادخال الأطعمة الصلبة جدا مثل المكسرات والحب الشامية العنب لان ممكن يختنك بيها
- العوائل اللي تفضل تبدي بالسريلاك رجاء ابدو سيريلاك بالرز عوفو سيريلاك بالقمح بعدين اما سريلاك العسل بعد السنة
لهنا وصلنة نهاية الموضوع اتمنة نال اعجابكم💙
تحياتي
#الدكتور_محمد_هيثم_حباس
#اختصاص_طب_اطفال_وحديثي_الولادة
#بورد_
إرسال تعليق