ما هو التهاب الكبد A
التهاب الكبد A هو التهاب يصيب الكبد ويسببه فايروس الكبد نوع A الذي ينتقل عندما يتناول شخص غير مصاب بالعدوى (وغير ملقح) أطعمة أو مياهاً ملوّثة ببراز شخص مصاب بالعدوى بالمرض.
معلومات عن المرض
- اكيد ..معدي (شديد العدوى ) قبل شوية كلنة😉 ينتقل عن طريق تناول الأطعمة والمياه الملوّثة أو المخالطة المباشرة لشخص مصاب بالعدوى
- شكد يظل الطفل مريض يعني الحضانة مالتة
- مدة الحضانه ٣ اسابيع اسبوع ينطح اسبوع
بس مشكلتنة وين😔😔😔 انو المريض يعدي الاخرين قبل ظهور الاعراض وحتى قبل ظهور أبو صفار ☹️☹️
والشغلة الاتعس انو اعراضه تشبه التهاب الامعاء يعني بين قوسين (💙الطفل ديعدي والاهل عبالهم بي التهاب امعاء💙)
اعراض التهاب الكبد الفايروسي نوع A
تتراوح من خفيفة وتعبر مرور الكرام الى شديدة مرات تؤدي الى عجز الكبد بس بالعادة راح نحكي على اكثر الحالات اللي نشوفهة
- حمى
- اسهال وزواع ولعبان نفس
- ارهاق وفقدان شهية
- الم بطن
- الم مفاصل وعضلات
- ادرار غامق
- براز فاتح
- واكيد نسينة واحد الخبزة مالتنة وهوة ابو صفار
تطور التهاب الكبد الفايروسي نوع A
اكثر الاطفال المصابين يكتسبون الشفاء التام خلال اسبوع او اسبوعين والامور زينة
✋️بس✋️
بعض الحالات تؤدي الى عجز الكبد الحاد😨 اللي ممكن ان يؤدي للوفاة
ماذا نفعل اذا اصيب الطفل بالتهاب الكبد A
اربعة عليكم والخامسة(💙😉) بعدين
- اولا نعزل الطفل المصاب ( أكله، شربه، صحونة، كلاصاتة، اكوابة ملاعق الاكل
- ثانيا غسل اليد وتعقيمها قبل وبعد الاكل
- ثالثا استخدام المياه المعقمه
- رابعا تنظيف المرحاض جيدا بعد الاستخدام
- خامسا اكيد هاي يمنة😅يجي دور الاطباء لازم تجيبولنيا يمنة من تنلاص الوضعية ويتعب حتى نعالجة😊😊
الوقاية من التهاب الكبد A
اكو لقاح لالتهاب الكبد الفايروسي نوع A ننطي في حالة تفشي الوباء بس للاسف لحد الان ماكو بالعراق😔
💙الوقاية اهمشي نسوي بحالتنة في العراق😷😷
يعني نعزل الطفل علمود تقل العدوى
لهنا وصلنة نهاية الموضوع اتمنة نال اعجابكم
تحياتي
#الدكتور_محمد_هيثم_حباس
#اختصاص_طب_اطفال_وحديثي_الولادة
إرسال تعليق